Welcome to our website. Neque porro quisquam est qui dolorem ipsum dolor.

Lorem ipsum eu usu assum liberavisse, ut munere praesent complectitur mea. Sit an option maiorum principes. Ne per probo magna idque, est veniam exerci appareat no. Sit at amet propriae intellegebat, natum iusto forensibus duo ut. Pro hinc aperiri fabulas ut, probo tractatos euripidis an vis, ignota oblique.

Ad ius munere soluta deterruisset, quot veri id vim, te vel bonorum ornatus persequeris. Maecenas ornare tortor. Donec sed tellus eget sapien fringilla nonummy. Mauris a ante. Suspendisse quam sem, consequat at, commodo vitae, feugiat in, nunc. Morbi imperdiet augue quis tellus.

Tuesday, December 17, 2013

சினத்தை நிர்வகிப்பது எப்படி ?

சினத்தை நிர்வகிப்பது எப்படி ?
Tips on Anger Management

 

ஒரு சிறு இடைவேளை தேவை 

## ‘கோபம் தலைக்கேறினால் பத்து வரை எண்ணுங்கள்’ என்ற அறிவுரை சிறு பிள்ளைகளுக்கு மட்டும் அல்ல.

## உச்ச கட்ட கோபத்தில் இருக்கும் போது நிதானமாக கண்களை மூடி, மூச்சை ஆழ்ந்து சுவாசித்து, ஒன்று முதல் பத்து வரை பொறுமையாக எண்ணுங்கள். இவ்வாறான திடீர் நிதானம், கோபத்தை தணிக்க உதவும்.

## வேண்டும் என்றால், அந்த இடத்தை விட்டு அகல்வதும் சரியான ஆலோசனை ஆகும் 


கோபத்தின் காரணத்தை ஆராய்

## பெரும்பாலும், கோபம் என்பது மற்ற மனக் கிளர்ச்சிகளின் வெளிப்பாடு ஆகும்.  

## நீங்கள் நிஜமாகவே கோபம் ஏற்படுத்திய விஷயத்தின் மீது கோபத்தில் இருக்கிறீர்களா ? அல்லது மன உளைவு, அவமானம், பாதுகாப்பின்மை, புண்பட்ட நெஞ்சம், பயம் ஆகிய ஏதேனும் உணர்ச்சியின் உள்ளீடு தான் உங்கள் கோபமா ? என்பதை முதலில் ஆராய வேண்டும். 

## கோபத்தின் வேர் தெரிந்தால் அல்லவா அதற்கான தீர்வு காண முடியும் ?


நில், யோசி, பேசு

## சினத்தின் தணலில் வாடும் போது, எதிராளியை நோக்கி வாய்க்கு வந்ததை சுலபமாக சொல்லி விட்டு, பிறகு வருந்துவதே மனித இயல்பு. 

## நேர்மாறாக, சில நொடிகளை செலவழித்து மனதை ஒருமுகப்படுத்தி, கோபத்திலும் என்ன பேச வேண்டும் என்று நம் மனதுடன் ஆலோசித்து விட்டு பேசினால் எந்த பிரச்னையும் சுமூகமாக முடியும் என்பது மறுக்க முடியாத உண்மை. 


அமைதி அடைய வழிகளை கல் 

## சினத்தை எதிர்கொள்வது என்பது ஒரு பெரிய சவால் தான். 

## உடற்பயிற்சி செய்து கோபத்தை தணிப்பது, ஒரு சிறு நடை பயிற்சி, சிரிப்பு மூட்டும் படங்களை பார்பது அல்லது கட்டுரைகளை படிப்பது போன்றவை மனதை தற்காலிகமாக வேறு வழியில் திருப்பும். 

## கடுமையான கோபம் தணிந்தவுடன், உங்கள் கோபத்தை நல்ல முறையில் எடுத்துரைத்து புரிய வைக்க வழிகளை தேடலாம்


பிரச்சனைக்கு தக்க முடிவை ஆலோசி
 

## கோபத்தில் இருக்கும் போது, கோபம் ஏன் வந்தது, எதற்கு வந்தது, யாரால் வந்தது என்று மட்டுமே ஆராய்ந்து ஆராய்ந்து மூளையை சூடாக்குவதை நிறுத்தி விட்டு, கோபம் வந்த காரணியை கண்டு பிடித்து அதற்கு ஒரு உடனடி தீர்வு காண்பது மிக்க அவசியம். 

## ஒவ்வொரு பிரச்சனைக்கும் தீர்வு என்பது உண்டு. 

## கோபம் எதையும் சீராக்காது, மேலும் மேலும் பிரச்சனைக்கே வழிகோலும் என்பதை நினைவில் கொள்ளுங்கள், நண்பர்களே !


Thursday, December 12, 2013

அழகான மீன்களை வளர்ப்பது எப்படி ?

அழகான மீன்களை வளர்ப்பது எப்படி ?
Tips on Aquarium Maintenance



தூய்மை காத்தல்

மீன் வளர்ப்பில் மீன் தொட்டியை சுத்தமாக வைத்திருப்பது இன்றியமையாதது.

## தொட்டியில் உள்ள தண்ணீர், நீர் தேங்கிய இடங்கள், வடிகட்டிகள், சரளைக்கற்கள், அலங்கார செடி கொடிகள், பாசி படிந்த தொட்டி சுவர்கள் ஆகியவற்றை அடிக்கடி சுத்தம் செய்வதினால் மீன்கள் ஆரோக்கியத்துடன் வாழும் நிலை உருவாகும். 

## முக்கியமாக மீன் தொட்டியை சுத்தம் செய்வதற்கு எண்ணெய், சோப்பு, வேறு விதமான ரசாயன சலவை பொருள் போன்றவற்றை கண்டிப்பாக உபயோகப் படுத்துதல் கூடாது. இதனால் மீன்கள் இறந்து போகவும் வாய்ப்புகள் உண்டு. 

## மீன் தொட்டியில் இருந்து நீக்கிய அழுக்கு நீரை கீழே கொட்டி விரயம் ஆக்காதீர்கள். உங்கள் தோட்டத்தில் உள்ள செடி கொடிகளுக்கு இந்த நீர் ஒரு பயனுள்ள உரம் ஆகும்.



அளவான உணவு

## மீன்கள் உணவு உண்பது, ஆற்றல் தேவை என்பதற்காக மட்டுமே. ஆதலால், மீன்களை தேவைக்கு அதிகமாக ஊட்டினால் மந்த நிலை அடைந்து நாளடைவில் இறந்து போகும். 

## அடிக்கடி விளையாட்டாக உணவை தொட்டியில் கொட்டாமல், தினம் ஒரு முறை குறிப்பிட்ட நேரத்தில் உணவளிக்க வேண்டும். 

## நாம் வகை வகையாக விரும்பி உண்ணுவதை போல், மீன்களுக்கும் வெவ்வேறு சுவைகளில் கிடைக்கும் உணவுகளை அளிக்க வேண்டும். வாரத்தில் ஐந்து நாள் உலர்ந்த வகை உணவுகளையும், ஒரு நாள் குளிரேற்றிய (அ) உயிருணவையும் கொடுத்து, மீதம் உள்ள ஒரு நாள் உணவே இல்லாமல் பட்டினி கூட போடலாம் என்று நிபுணர்கள் வலியுறுத்துகிறார்கள். 

## மீன் தொட்டியில் உணவை இடும் போது மீன்கள் துள்ளி வந்து உற்சாகமாக சாப்பிட்டால், அவை மிகவும் ஆரோக்கியமாக இருப்பதாக பொருள்.     


மீன் இனத்தை தேர்வு செய்தல்

## சரியான மீன் இனத்தை தேர்வு செய்து வளர்ப்பது ஒரு பெரிய சவால் ஆகும். எந்த மீன் இனம் தனித்து வாழும்? எவை கூட்டத்தோடு வாழும்? எந்த இனம் வேறு இனத்தோடு சேரும் என்ற விவரங்களை எல்லாம் சேகரித்து ஆலோசித்து மீன் வாங்கி வளர்த்தால் தான், அவை ஆரோக்கியமாக சந்தோஷமாக நீண்ட நாள் வாழும். 

## இட பற்றாக்குறை ஏற்படாத வகையில் கணிசமான தொகையில் மீன் வளர்க்க வேண்டும். 

## தொட்டியில், மேல்தளம், நடுத்தளம், கீழ்தளம் என்று இடம் பிரித்து அங்கு வாழும் வகை மீன்களை இனம் கண்டு வளர்க்க வேண்டும். 

## நடுத்தளத்தில் வாழும் மீன்கள் கூட்டமாக வாழ விரும்பும். கீழ்த்தளத்தில் வாழும் மீன்கள் பெரும்பாலும் சண்டை மனப்பாங்கு உடையவை. ஆகையால் அவற்றை குறைவான எண்ணிக்கையில் வாங்கி, மற்ற மீன்களை தொந்தரவு செய்யதவாறு கண்காணிக்க வேண்டும். 

செடிகளால் காற்றூட்டம்

## மீன் தொட்டியானது, மீன்கள் வாழ்வதற்கு தேவையான பிராணவாயுவை உருவாக்கும் ஒரு சிறந்த இடமாக அமைய வேண்டும். சிறு செடிகள் மீன்களுக்கு புகலிடம் தருவதோடல்லாமல், மீன் தொட்டியின் அழகை எடுத்து காட்டுவதுடன், மீன்களுக்கு தவணை முறையில் பிராணவாயுவை கொடுக்கிறது. 

## மீன் தொட்டியில் சேரும் அழுக்கை குறைக்க உதவுகிறது. 

## அது மட்டுமல்லாமல், இலைகளில் படியும் சில வகை பாசிகளை மீன்கள் விரும்பி உண்ணும். 

## ஆனால், உயிரோட்டமுள்ள செடி கொடிகளை வைத்து பராமரிப்பது எளிதல்ல. அதற்கு முக்கியமாக பிரகாசமான வெளிச்சமும், நல்ல கரிவளி (Carbon Di-Oxide) மட்டமும் தேவை.

கழிவுகளை அப்புறப்படுதல்

 ## மீன்களுக்கு வழங்கும் நறுக்கிய கீரை, முட்டைகொஸ், வெள்ளரிக்காய் போன்ற உயிருணவுகளின் மிச்சங்களை ஒரு மணி நேரத்திற்குள் அப்புறபடுத்த வேண்டும். 

## உயிரோட்டமுள்ள செடிகள் சில காரணிகளால் அழுகும் தன்மை உடையவை. உதிர்ந்த இலை தழைகளை அழுக விடாமல் உடனடியாக அப்புறபடுத்துவது புத்திசாலித்தனம். 

## பச்சை நிற பாசி ஆரோக்கியமானது. ஆனால் பழுப்பு நிற பாசி சேர்வது, மீன் தொட்டியை சுத்தம் செய்ய வேண்டும் என்பதை குறிக்கும். 

## முக்கியமாக, நீங்கள் காதலிக்கும் உங்கள் அன்பு மீன் இறந்து விட்டால், சிறுதும் யோசிக்காமல், உடனடியாக தொட்டியை விட்டு நீக்கி விட வேண்டும். இவ்வளவு நாள் உங்கள் நண்பனாக இருந்தமைக்கு ஒரு மனப்பூர்வமான நன்றியை உதிர்த்துவிட்டு, அதை நீக்கும் நடவடிக்கையில் ஈடுபட வேண்டும். ஏனென்றால், மீன்கள் இறந்த உடனேயே அழுக ஆரம்பிக்கும். இதனால், தொட்டியில் இருக்கும் மற்ற சிறு மீன்கள் பாதிப்படையும்.


Friday, April 26, 2013

கொண்டை கடலை கறி



கொண்டை கடலை கறி

கருப்பு கொண்டை கடலை, அவரை குடும்பத்தை சேர்ந்தது. மிகவும் தொன்மை வாய்ந்த பயிரான இது சுமார் 7500 ஆண்டுகளுக்கு முன்பு சில மத்திய கிழக்கு நாடுகளில் பயிரிடப்பட்டது. இன்றும் பாரம்பரிய சமையல்களில் இடம் வகிக்கும் இது, புரதச் சத்து நிறைந்தது. ஊட்டச்சத்துக்களான இரும்பு, துத்தநாகம், பாஸ்பரஸ் ஆகியவற்றுடன் நார்சத்தும் நிரம்பி இருக்கும் கொண்டை கடலையின் மிக முக்கியமான ஆற்றல் என்ன தெரியுமா ?  நம் ரத்தக் குழாய்களில் உறைந்திருக்கும் தேவை இல்லாத கொழுப்பை கறைப்பது தான். வாரம் ஒரு முறையேனும்  இதை உண்ண வேண்டும் என்று மருத்துவர்கள் பரிந்துறைக்கிறார்கள்.

வாருங்கள் நண்பர்களே, கொண்டை கடலை கறி எவ்வாறு செய்வது என்று கற்றுக் கொள்வோம்.


தேவையான பொருள்கள் :


கருப்பு கொண்டை கடலை - 1 கப்
சமையல் எண்ணெய் - 1/4 கப்
துருவிய தேங்காய் - 1/4 கப்
கெட்டி தேங்காய் பால் - 1/4 கப்
இஞ்சி - 1 இன்ச் நீள துண்டு, பொடியாக அரிந்தது
பூண்டு - 5 பல், உறித்தது
காய்ந்த மிளகாய் - 3 
காய்ந்த மல்லி - 1/2 தேக்கரண்டி
மஞ்சள் தூள் - 1/4 தேக்கரண்டி
மிளகாய் தூள் - 1/2 தேக்கரண்டி
மல்லி தூள் - 1/2 தேக்கரண்டி
கரம் மசாலா தூள் - 1/2 தேக்கரண்டி
சின்ன வெங்காயம் - 10 
லவங்கம் - 3 
பட்டை - 1 இன்ச் துண்டு
ஏலக்காய் - 2 
கறிவேப்பிலை - 2 கொத்து
கொத்தமல்லி தழை - அலங்கரிக்க
உப்பு - சுவைக்கேற்ப


செய்முறை :


1) கடலையை முதல் நால் இரவே ஊற போட வேண்டும். குறைந்த பட்சம் 8 மணி நேரமாவது ஊற வேண்டும். 

2) மறுநாள் காலை குக்கரில் கடலையை உப்பு சேர்த்து வேக வைக்க வேண்டும். 5 விசில் வந்த பின்பு தணலை குறைத்து மேலும் 2 விசில் (அல்லது) 10 நிமிடம் சமைக்க வேண்டும்.

3) ஒரு வாணலியில் 2 தேக்கரண்டி எண்ணெயை சுட வைத்து, உரித்த பூண்டு, காய்ந்த மல்லி, காய்ந்த மிளகாய் மற்றும் 5 சின்ன வெங்காயம் தாளிக்க வேண்டும்.

4) பொன்னிறமானதும் தேங்காய் துருவல் சேர்த்து கிளறி, ஒரு கொத்து கறிவேப்பிலையை கிள்ளி போட்டு அடுப்பை அணைக்க வேண்டும்.

5) அதில், மஞ்சள் தூள், மிளகாய் தூள், மல்லி தூள், கரம் மசாலா தூள் சேர்த்து சூட்டிலேயே நன்கு கிளறி ஆற விட வேண்டும். ஆறியதும், பசை போல் அரைத்து கொள்ள வேண்டும்.

6) இந்த பசையை குக்கரில் உள்ள வெந்த கடலையுடன் உப்பு சேர்த்து பச்சை வாசனை போகும் வரை வேக விடவும்.

7) பின்னர் தேங்காய் பால் சேர்த்து கெட்டியாக திரண்டு வரும் வரை சமைக்கவும்.

8) தாளித்தல் : ஒரு வாணலியில் எண்ணெய் ஊற்றி சூடானவுடன், லவங்கம், பட்டை, ஏலக்காய், பொடியாக அரிந்த 5 சின்ன வெங்காயம், பொடியாக நறுக்கிய இஞ்சி, 1 கொத்து கறிவேப்பிலை ஆகியவற்றை தாளித்து கறியில் ஊற்றி சுருளக் கிளறி இறக்கவேண்டும்.

9) கொத்தமல்லி இலை தூவி அலங்கரித்து சூடான சாதம் அல்லது ரொட்டியுடன் பரிமாறவும்.

10) விருப்பப் பட்டால் , மேலும் சுவை கூட்ட எலுமிச்சையை பிழிந்து பொடியாக நறுக்கிய வெங்காயம் தூவி பரிமாறலாம்.  


Wednesday, November 7, 2012

சுமேரிய நாகரீகம்

 
கடந்த பதிவில் சிந்து சமவெளி நாகரீகம் பற்றி அறிந்துகொண்டோம். நம் இந்திய துணைக்கண்டத்தில் செழித்தோங்கிய இந்த நாகரீகத்தை போலவே உலகின் மற்ற பகுதிகளிலும் மக்கள் கூட்டம் பல பல்வேறு நாகரீகங்களை தோற்றுவித்துக்கொண்டிருந்தனர்.
 
வாழ்வு, கலை, பிழைப்பு ,வீழ்ச்சி என அந்த நாகரீகளும் மனிதர்களுக்கு பெரும் பாடமாக அமைந்தன. அவ்வாறு அமைந்த நாகரீகங்களில் மிக முக்கிய இடம் பெற்ற ஒரு நாகரீக வளர்ச்சியை பற்றித்தான் இப்போது நாம் அறிந்துகொள்ள முற்படுகிறோம்.
 
ஆம்....இம்முறை சுமேரிய நாகரீகத்தை பற்றி அறிந்து கொள்வோமா நன்பர்களே ..... 
 
சுமேரிய நாகரீகம் - ஒரு சிறு குறிப்பு
செம்புக்காலம் மற்றும் ஆரம்ப வெண்கல காலத்தில் தெற்கு மெசபடோமியா,  நவீன ஈராக்கில் ஒரு பண்டைய வரலாற்று பகுதியில் சுமேரியா இருந்தது. இது "நாகரீக அரசர்களின் நிலம்" அல்லது "சொந்த நிலம்" என்றும் அழைக்கப்பட்டது.  சுமேரியர்கள், இந்த நாகரீகம், வரலாற்றில் ஒருமித்த மூலமாகவும் முதல் மனித நாகரீகமாகவும் இருந்தது.
 
 
லகாஷ் நகரம் 
 
மூலம்
மத்திய கிழக்கில் தற்போதைய ஈராக் பகுதி அந்த காலத்தில் "செழுமையான பிறை" ( Fertile Crescent ) என அழைக்கப்பட்டது. அப்பகுதியில் வேட்டையாடி சேகரித்து வாழ்ந்த மக்கள், தோட்டங்களை வளர்க்க தொடங்கினர்.
கிமு 7000 ல் விவசாயம் தொடங்கியது, அதற்கு நிரந்தரமான வசிப்பு இன்றியமையாத தேவையாக இருந்ததது.
 
கிமு 4500 ல்"உபைடியன்" என்று தொல்பொருள் ஆராய்ச்சியாளர்களால் பெயரிடப்பட்ட மக்கள், பாரசீக வளைகுடாவில் கலக்கும் டிக்ரிஸ் மற்றும் யுஃபரேடிஸ் நதிக்கரையோர நகரங்களில் வாழ்ந்தார்கள். அவர்கள் சதுப்பு நிலங்களை செதுக்கி விவசாயம் மேற்கொண்டார்கள். இவ்வாறு அமைக்கபட்ட பகுதி "மெஸோபடாமியா" (கிரேக்க மொழியில் இரு நதிகளுக்கு இடைபட்ட பகுதி) என்று அழைக்க பெற்றது.
 
 
 
கிமு 4000ல் காஸ்பியன் கடல் பகுதியை சுற்றி வாழ்ந்து வந்த சுமேரியர்கள் மெஸோபடாமியாவை வந்தடைந்தனர்.கிமு 3800 வாக்கில் சுமேரியர்கள் தெற்கு மெஸோபடாமியாவை உபைடியன்களை நீக்கிவிட்டு ஆக்கிரமித்து கொண்டார்கள்.
உபைடியர்களை விட சுமேரியர்களின் வாழ்க்கை முறை மேம்பட்டதாக இருந்ததாலும், அவர்கள் மக்கள் தொகை அதிகரித்து போனதாலும் ஒரு நாகரீகமாக தோற்றம் பெற்றன. நகரம் என்ற சொல்லிலிருந்து நாகரீகம் எனும் சொல் பிறந்தது
 
வளர்ச்சி
சுமேரில் முதலில் மேலோங்கிய நாகரீக சக்தியாக உபைடியன்கள் விளங்கினர். வாழும் சூழலை தங்கள் வசமாக்கி கொண்டது தான் அவர்களின் மிகப்பெரிய சாதனையாக விளங்கியது. யுஃபரேட் பகுதியில் உள்ள தாழ் நிலங்களை காயவைத்து, வாய்க்கால்கள் வெட்டி தங்கள் தேவைக்கேற்ப அவர்கள் அந்நிலத்தை உபயோகபடுத்தி கொண்டார்கள். நில வளங்களை நன்கு பயன்படுத்தி உலக வரலாற்றில் முதன்முறையாக அவர்கள் உழுது விவசாயம் செய்தார்கள்.
 
 
சக்கரம் கண்டுபிடிப்பு 
 
நிலவளம் நிறைந்திருந்தாலும் கணிம மற்றும் உலோக வளங்கள் அங்கு குறைவாகவே தான் காணப்பட்டன, ஆகையால் அவர்கள் உலோகங்களை இறக்குமதி செய்தார்கள். உலகின் மற்ற பகுதிகளிலிருந்து இவ்வாறு வர்த்தகம் செய்ய ஏதுவாக படகுகள் வடிவைமைதார்கள்.பண்டமாற்று முறையையும் முதன்முதலில் அமல்படுத்தினார்கள்.ஏர் கலப்பைகள் கண்டுபிடிப்பை தொடர்ந்து சக்கரம் கண்டுபிடிக்கப்பட்டது. அச்சக்கரங்களின் உதவியால் மாடுகள் மீது கலப்பையை பூட்டி நிலம் உழுதார்கள். குயவன் சக்கரமும் கண்டுபிடிக்கபட்டு பானைகள் செய்யப்பட்டன. சக்கரத்தின் உதவியால் 3000 அண்டுகள் முன்னரே அவர்களின் போக்குவரத்து இந்திய எல்லை வரையும் செவ்வனே நீண்டு சென்றது.
 
வாழ்க்கை முறை
சுமேரியர்களின் நகர மாநில அரசாங்கம் கடவுளின் ஆட்சியாக கொண்டு செயல்பட்டன என்று தான் சொல்லவேண்டும். ஒவ்வொரு சுமேரிய நகரத்திற்கும் தனிபட்ட கடவுள் மற்றும் தனிபட்ட ஆளுனர்களும் அமைத்துகொண்டார்கள். ஆயினும் சுமேரிய தலைநகரமான "உர்"-இன் அரசனுக்கு தான் எல்லோரும் பொதுவாக காணிக்கைகள் செலுத்தினர்.
சுமேரியாவில் குறைந்தபட்சம் 12 நகரங்கள் தழைத்தோங்கின. தனித்தனியான சுவர்கள் அமைத்த நகரங்களாக அவை அமைந்தன.அவற்றில் "உர்" "உருக்""கிஷ்" மற்றும் "லகாஷ்" முக்கிய நகரங்களாக விளங்கின. 24000 வரை மக்கள் தொகை கொண்ட "உர்" சுமேரியாவின் மிக பெரிய நகரமாக கருதப்பட்டது. அங்கு முக்கிய கடவுளாக வணங்கபட்டது "நன்னா" என்றழைக்கபட்ட சந்திரன்.  70 அடி உயரம் கொண்ட கோபுரம் நன்னா கோவிலில் காணப்பட்டது. அழகிய சிற்ப வேலைப்பாடுகளுடன் அமைந்த ராஜ கோபுரங்கள் அகழ்வாராய்ச்சியின் சாட்சியாக விளங்குகின்றன.
 
 இனன்னா தேவதை 
மெஸோபொடாமையாவின் மற்றுமொரு பெரு நகரமாகிய உருக்கில் 6 மைல் நீள பெருஞ்சுவர் ஒவ்வொரு 35 அடிகளில் பாதுகாப்பு கோபுரங்களுடன் கட்டபட்டது. நகரத்தின் மையத்தில் அந்நகரத்தின் கடவுளின் கோவில் இருந்தது. நகரத்தை சுற்றி தானியங்களின் விளைநிலங்கள், ஈச்சம்பழ தோட்டங்கள் மற்றும் மேய்ச்சல் நிலங்கள் காணப்பட்டன.
 
 
ராஜகோபுரத்தின் மாதிரி வடிவம் 
 
பொதுமக்கள், நிலச்சுவான்கள் மற்றும் அடிமைகள் என பல்வேறு மக்கள் அங்கு வாழ்ந்து வந்தனர். 90 விழுகாடு மக்கள் விவசாயத்தில் ஈடுபட்டனர். கோவில்களிலும் நிலச்சுவான்கள் வீடுகளில் அடிமைகள் பணிக்கு அமர்த்தபட்டனர்.  நெல்லிடித்தல் மற்றும் நெய்தல் போன்ற பொது வேலைகள் அவர்களுக்கு தரபட்டன.
 
சிறப்பம்சங்கள்
1)            எரிடுஎன்று அழைக்கபட்ட சுமேரிய நகரம் உலகின் முதல் வளர்ந்த நகரமாக விளங்கியது.  அந்நகரத்தில் மூன்று விதமான வெவ்வேறு கலாச்சாரங்கள் இணைந்தன. மண் குடிசைகளில் வாழ்ந்த விவசாயிகள் , கொட்டகைகள் அமைத்து வாழ்ந்து வந்த நாடோடி மேய்ப்பர்கள் மற்றும் நதியோர நிலங்களில் நாணல் குடிசைகள் அமைத்து வாழ்ந்த சுமேரியர்களின் முன்னோர்களாக கருதபட்ட மீன்பிடிக்கும் மக்கள் என மூன்று வித மக்களின் கலாச்சாரமும்  எரிடு நகரத்தில் காணப்பட்டன.
 
 

2)               புகழ்பெற்ற தலைவனாக கருதபட்ட கில்கமேஷ் வாழ்ந்த நகரமாக உருக்கருதப்பட்டது. அத்தலைவனை பற்றி உலகின் மிக பழமையான புத்தகமான "கில்கமேஷின் காவியம்" எனப்படும் நூலில் எழுதப்பட்டுள்ளது.
 
 
 
3)              தொல்பொருள் ஆராய்ச்சியாளர்கள் கருத்துப்படி சுமேரியர்களின் எழுத்து வடிவம் தான் உலகின் முதல் எழுத்து வடிவமாகும். சித்திரங்கள் வடிவில் தோன்றி பின்பு எழுத்துக்கள் சுமேரியர்களால் கண்டுபிடிக்கபட்டு, தங்கள் வர்த்தக கணக்கிற்காக அவர்கள் பயன்படுத்திகொண்டார்கள். உலகம் அறிந்த முதல் இலக்கியம் அங்கு தான் தொடங்கியது. தன் கைவிரல்கள் பயன்படுத்தி பத்து பத்தாக கணக்கு வடிவம் மேற்கொண்டவர்கள் சுமேரியர்கள்.
 
 
 
 
4)             சூரிய வருடத்தை காலகட்டமாக எடுத்துக்கொண்டு சுமேரிய மதகுருக்கள் 12 சந்திர மாதங்களும் 3 வருடங்களுக்கு ஒரு முறை 1 லீப் வருடத்தையும் வகுத்து நாள்காட்டியை வடிவைமைத்தார்கள். இதனை அடிப்படையாக கொண்டுதான் தற்போது நாம் பின்பற்றும் வான் சாஸ்த்திரம், நிமிடங்கள், நொடிகள், மணி என்று கால அளவுகள் தோன்றின. சட்டமும் நீதிமுறைகளும் சுமேரியர்களால் தான் முதன்முதலில் கண்டுபிடிக்கப்பட்டது. இதன் அடிப்படையில் தான் பிற்காலத்தின் வந்த பாபிலோனிய சட்டங்கள் இயற்றபட்டன
 
 
செப்பேடில் வான் சாஸ்திரம் 
 
 
மன்னர் ஆட்சி
ஒரு காலகட்டத்தில், சுமேரிய நிலபகுதிகள் கடல்நீரின் ஆதிக்கத்தில் மூழ்க தொடங்கின.  உப்பு படிந்த நிலங்களில் சுமேரியாவின் முக்கிய தொழிலான விவசாயம் வெகுவாக பாதிக்கப்பட்டது. மக்களில் வாழ்க்கை தரம் மெதுவாக குறைய தொடங்கியது. இதனால் அவர்கள் பசி, உணவு தட்டுபாடு மற்றும் நோய்களால் பாதிக்கபட்டனர்.
 
பலவீனமான சுமேரியர்களை "சிமிடிக்" இன மக்கள் போர் மூலம் ஆக்கிரமித்து கொண்டனர்.  சிமிடிக் இன மன்னன் கிஷ் நகரத்தை ஆளதொடங்கினார். சிறந்த போர் தந்திரங்களை மேற்கொண்டு அவர் சுமேரியாவின் பெரும் பகுதியை தன்வசமாக்கினார். பின்பு சுமேரியவின் "நிப்புர்" நகர மன்னனை தோற்கடித்து நிப்புர் நகரத்தை ஆண்டார். அந்நகரத்தின் கடவுளாகிய "என்லில்" ஆசியினால் தான் தன் ஆட்சி அமைகிறது என்று அம்மன்னன் தீர்க்கமாக நம்பினார். பின்னாளில் அம்மன்னன் எல்லாம்வல்ல சார்கன் என அழைக்கபட்டார். மிக சிறந்த ஆட்சி புரிந்த சார்கன் மன்னரின் இறப்பிற்கு பின் அவர் சந்ததிகள் சுமேரியாவை ஆண்டுவந்தனர். 
 
 
மாமன்னன் சார்கோன்  
 
வீழ்ச்சி
சார்கன் மன்னரின் தலைமுறைகள் ஆட்சியின் முடிவில் சுமேரியாவை சுற்றியுள்ள மற்ற அரசாங்கங்கள் சுமேரியாவை தாக்கி சிதைக்க தொடங்கின.கிமு 1950 வரை சுமேரிய நாகரீக காலம் நிலைத்தது.
சுமேரிய நாகரீகத்தின் வீழ்ச்சிக்கு மிக முக்கிய காரணங்களாக கருதப்படுவபவை கீழே குறிப்பிடப்பட்டுள்ளவை ஆகும்
 
1.சுமேரிய ராணுவத்தை சரியாக பராமரிக்க ஒரு சிறந்த தலைமை இல்லாதது.
2.சுமேரியாவை சுற்றியிருந்த கடல்களில் உப்பு தன்மை கூடியது
3.சுமேரிய விவசாய மக்கள் தங்கள் விளைநிலங்களை தரிசாகும் அளவுக்கு கைவிட்டது.
ஆக சுமேரிய நாகரீகம் ஒரு முடிவுக்கு வந்ததில் பெரும் பங்கு புற காரணிகள் என்று தோன்றினாலும் அந்த அஸ்தமனத்தின் வேர்கள் சமுதாயத்தின் உள்ளிருந்த பலவீனங்கள் என்றும் சொல்லலாம் நண்பர்களே.
 
 

Tuesday, November 6, 2012

குறள் # 9

குறள் # 9
பிரிவு :அறத்துப்பால் / துறவறவியல்
அதிகாரம் : 296 / வாய்மை
 
பொய்யாமை யன்ன புகழில்லை; எய்யாமை
எல்லா அறமுந் தரும்.
தெளிவுரை
ஒருவனுக்கு பொய் இல்லாமல் வாழ்தலை விடப் புகழ் நிலை வேறொன்றும் இல்லை, அஃது அவன் அறியாமலேயே அவனுக்கு எல்லா அறமும் கொடுக்கும்.
 
ஆங்கிலத்தில்
 
There is no praise like the praise of never uttering a falsehood: without causing any suffering, it will lead to every virtue.
 
 
 
 
 
 

Twitter Delicious Facebook Digg Stumbleupon Favorites More